LA  KONGRESOJ  DE  SAT

Ekde 1921, Sennacieca Asocio Tutmonda SAT organizas ĉiujare (krom la mondmilitaj jaroj) laboristan esperantistan kongreson, kunvenigantan kelkajn centojn da personoj el la tuta mondo, ĉiujare en malsamaj landoj. Dum la jaro 2002 la kongreso havis lokon en Alikanto (Alicante/Alacant), Hispanio.

SAT-aj kongresoj estas ĝenerale tre solidaj, kun multnombraj laboraj kaj diskutaj kunvenoj. Okazas asembleoj por pritrakti internajn aferojn de la asocio, aŭ por diskuti la mondajn problemojn kaj la agadojn de la anoj de SAT tiurilate, kaj ne mankas la estraraj kaj la frakciaj kunvenoj.

Jen informoj pri diversaj lastjaraj kongresoj:

• 76-a Kongreso: de la 12-a al la 19-a de julio de 2003 en La Chaux-de-Fonds (Ĉaŭdefono, Svisio). Jen la aprobita Deklaracio.
• 77-a Kongreso: Bratislavo, de la 14-a ĝis la 21-a de aŭgusto de 2004. Jen la Deklaracio.
• 78-a Kongreso: Zagrebo, de la 2-a ĝis la 9-a de julio 2005. Deklaracio.
• 79-a Kongreso: Beogrado, 19-a ĝis la 26-a de aŭgusto 2006. Deklaracio kaj interna Gvidrezolucio.
• 80-a Kongreso: Parizo, 21-a ĝis la 28-a de julio 2007. Deklaracio kaj interna Gvidrezolucio.
• 81-a Kongreso: Kazanlako, Bulgario, 9-a ĝis la 16-a de aŭgusto 2008. Deklaracio kaj interna Gvidrezolucio.
• 82-a Kongreso: Milano, Italio, 18-a al 25-a de julio 2009. Deklaracio kaj interna Gvidrezolucio.
• 83-a Kongreso: Braŝovo, Rumanio, 1-a al 6-a de aŭgusto 2010. Deklaracio kaj interna Gvidrezolucio.
• 84-a Kongreso: Sarajevo, Bosnio, 30-a de julio ĝis la 6-a de aŭgusto 2011. Deklaracio kaj Gvidrezolucio.
• 85-a Kongreso: Jalto, Ukrainio, 11-a al 18-a de aŭgusto 2012. Deklaracio kaj Gvidrezolucio.
• 86-a Kongreso: Madrido, Hispanio, 28-a de julio ĝis la 4-a de aŭgusto 2013. Raportaĵoj. Mallonga priskribo. Deklaracio kaj Gvidrezolucio.
• 87-a Kongreso: Dinano, Francio, 9-a al 16-a de aŭgusto 2014.

Sed ni ne forgesu la kulturajn aspektojn, kiuj estas unu el la statutaj bazoj de la asocio. Kaj kutime restas tempo ankaŭ por la distraj kaj turismaj agadoj, kun ekskursoj al la urbo kaj ĉirkaŭaĵoj, kaj ankaŭ por la malserioza babilado.

Se vi interesiĝas pri pliaj detaloj, ĵetu rigardon al la oficiala paĝo de la kongresoj.